As jugueterías Pinoccio&Co e Caracola Kids doan xoguetes por valor duns 300 euros para os nenos e nenas refuxiados do noso programa de Protección Internacional.
Este Nadal, a casa das familias refuxiadas da Coruña gozou dunha noite de Reyes cálida e alegre grazas a dúas jugueterías que decidiron envorcarse cos máis pequenos. Pinoccio&Co e Caracola Kids doaron diversos xoguetes para que a árbore das persoas refuxiadas estivese repleto de agasallos para os máis pequenos da casa.
Grazas a isto, as familias gozaron da alegría e a calor das datas do Nadal. A doazón, valorada entre os 250 e os 300 euros, foi acollida con agradecemento polas persoas refuxiadas.
As seis familias beneficiadas que se atopan en acollida teñen un total de trece nenos e nenas con idades moi diversas: desde un bebé de tan só 9 meses até os 18 anos de idade do máis maior. Todos eles recibiron xoguetes acordes á súa idade e sentiron a ilusión da mañá de Reyes con especial agarimo.
Desde Ecos do Sur, agradecemos a xenerosidade destas jugueterías, que responderon con solidariedade e en tempo marca á chamada de necesidade da nosa entidade. O proxecto de Protección Internacional está enmarcado na acollida de persoas refuxiadas de Rede Acolle e é posible grazas ao financiamento do Ministerio de Inclusión, Seguridade Social e Migracións. Ademais deste financiamento institucional, tamén é moi importante a implicación particular das persoas que sodes asociadas da entidade. Se ti tamén queres colaborar en accións como esta, só tes que cubrir o noso formulario para converterche en socio. A túa axuda é moi importante para lograr o noso obxectivo dunha sociedade máis xusta, máis próspera e orgullosa da súa diversidade.