Atención ás necesidades básicas en saúde
Este programa busca cubrir as necesidades básicas das familias en grave risco de exclusión social.
A través do proxecto Ti Sanas damos cobertura de necesidades básicas e específicas de produtos de farmacia ou parafarmacia infantil. Tamén cubrimos as necesidades de medicamentos das familias en grave risco de exclusión social.
Buscamos a promoción da saúde e dos coidados dos beneficiarios e, especialmente, dos menores ao seu cargo. Porque a saúde é un dereito esencial que todas as persoas necesitamos para prosperar e acadar os nosos obxectivos vitais.
Traballamos en contacto cos servizos sociais para avaliar os casos máis urxentes que nos son derivados, complementando así outros servizos e recursos do sistema institucional galego. Sempre con especial atención aos colectivos máis vulnerables.
Esta iniciativa conta cunha subvención de 924 euros da Consellería de Política Social da Xunta de Galicia para o período 2023-2025. Son moitas as persoas que necesitan máis apoio, axúdanos coa túa achega, faite de Ecos do Sur. Contamos contigo!
Primeira edición: 2018
Execución: 2023-2025