Igualdade nos coidados
Conciliación familiar para unha maior integración social.
Este programa enfócase en persoas con menores ao cargo e que estean a atravesar algunha situación de vulnerabilidade.
A través del, logramos brindar servizo de canguraxe para familias que o necesiten e facémolo con carácter urxente e inmediato: dun día para o outro.
Este servizo diríxese tamén a persoas que participen nas formacións que brindamos, tanto de busca de emprego como de lecer.
Deste xeito, buscamos que as persoas que non conten con redes de apoio para o coidado dos nenos, poidan conciliar a súa vida persoal, familiar e laboral, xerando maior autonomía e integración social.
E quen coida?
Creamos unha “bolsa de coidadoras” formada por mulleres e homes en risco de exclusión social, en xeral con cargas familiares non compartidas, maiores de 45 anos e sen emprego, a quen se lles brinda formación básica en coidados e primeiros auxilios.
Coidamos, pola súa vez, a propia conciliación das persoas que coidan, que elixen os horarios laborais que máis se axusten á súa realidade e necesidades sen ningunha penalización polos servizos non aceptados (a diferenza das empresas de traballo temporal).
Desta maneira, buscamos favorecer o acceso ao emprego nun dobre sentido: tanto das persoas con menores ao cargo como das persoas que coidan.
Esta iniciativa conta cunha subvención de 35.884,47 euros para 2025 e 29.762,76 € para 2026, por parte da Consellería de Política Social da Xunta de Galicia na súa convocatoria con cargo ao 0,7% do IRPF.
Ti tamén podes financiar este proxecto asociándote a Ecos do Sur. Contamos contigo!
Primeira edición: 2018
Execución: 2025