Diseñamos e implementamos itinerarios personalizados e accións específicas que favorecen a inserción sociolaboral das mulleres.
No caso das mulleres migrantes, son varias as barreiras que inciden nas posibilidades de acceso a un emprego digno e que impide alcanzar a súa independencia económica: a tripla discriminación (orixe, clase, xénero) ou o descoñecemento dos recursos sociais e económicos, as dificultades lingüísticas, o impacto persoal polo proceso migratorio ou as escasas redes sociais.
Desde o proxecto Salvia, ofrecemos ás participantes unha atención integral e un acompañamento especializado a través de itinerarios personalizados, formación para o emprego e apoio á conciliación. Despois, se leva a cabo un proceso de intermediación laboral que remata coas labores de prospección de emprego, co que se pretende achegar ao mercado laboral e favorecer a creación de espazos de encontro entre empresas e mulleres a través das actividades de espazos de networking.
A través da prospección, se traballa na realización de prácticas con empresas ata acadar a contratación de moitas das mulleres. Unha vez inseridas no mercado laboral, o persoal técnico realizará os seguimentos da inserción nas empresas e avaliación do traballo realizado mediante o acompañamento e seguimento ao longo de todo o percorrido de inserción dende o momento da contratación.
Este proxecto conta con actividades deseñadas para fortalecer os procesos de capacitación persoal e recuperación das mulleres que viviron violencia de xénero.
Financiado pola Xunta de Galicia (Consellería de Política Social e Igualdade) e o Pacto de Estado contra a Violencia de Xénero, do Ministerio de Igualdade, con 68.303,80 euros.
Primeira edición: 2016
Execución actual: 2025