Alzando a voz das mulleres empregadas do fogar e dos coidados.
Este programa está dirixido a impulsar os dereitos das mulleres empregadas no sector do fogar e os coidados.
Olimpia nace da necesidade de levar a cabo actuacións de formación para coñecer os dereitos e chamar á participación activa de mulleres empregadas no sector do fogar e os coidados, en especial, as que sofren situacións de vulnerabilidade. Tamén se impulsan actitudes favorables para alcanzar a igualdade de xénero e a erradicación das violencias machistas desde unha perspectiva intercultural e interseccional.
Nestes últimos anos traballamos desenvolvendo talleres de teatro coa idea de xerar un espazo para que elas sentan libres das opresións e das discriminacións que sofren como mulleres, migrantes e traballadoras. Para iso, construímos un espazo de participación e visibilización das mulleres, fortalecendo as súas capacidades para que elas sexan portavoces e protagonistas dos seus dereitos.
Este programa leva este nome en honra a Olimpia de Gouges, escritora, dramaturga, filósofa e política francesa, autora da Declaración dos Dereitos da Muller e Cidadanía, en 1791. Unha temperá referente feminista que morreu na guillotina, pero a súa memoria perdura.
Financiado por a Consellería de Emprego e Igualdade da Xunta de Galicia, a través dunha subvención de 55.511,35 euros.
Primeira edición: 2018
Execución actual: desde xaneiro del 2024 a decembro de 2024